Afrika y’Epfo: Abanyagihugu bagiriza abanyamahanga kubatwara akazi

Kuri uno wa gatanu igenekerezo rya 24 Ruhuhuma,umwaka wa 2017, abanyafrika y’Epfo barihaye amabarabara biyamiriza abanyamahanga baba muri ico gihugu.Mu gisagara ca Pretoria niho habereye imyiyerekano yiyamiriza abava mu bindi bihugu.

Mu gisagara ca Pretoria, imbere y ‘inzu ikoreramwo ubushikiranagnji bw’intwaro mu gihugu niho imyiyerekano yabereye. Abanyafrika y’Epfo bagiriza abanyamahanga ko baza kubatwara akazi, kandi ko bakora urudandazwa rw’ibiyayura mutwe.

Mu gihe bari mu myiyerekano ,abapolisi bakoresheje amasasu ya plastike,ivyuka bikoroza amosozi hamwe n’amazi kugira bashobora guhagarika ingwano zadutse muri iyo myiyerekano.

Mu ntango zino ndwi tugomba duheze, inzu z’ubudandarizo hamwe n’amazu y’abanyamahanga yaratewe hafi y’umurwa mukuru w’igihugu ca Afrika y’Epfo.

Ikigo Nelson Mandela Foundation kijejwe gutanga infashanyo, cariyamirije iyo myiyerekano yo kwiyamiriza abanyamahanga.