Afrika y’Epfo : Jacob Zuma yarengutse imbere y’ubutungane

Yanditswe na MUGISHA Van Naris
Kuya 9 juin 2018 saa 10:46
18975
0 0

Jacob Zuma yahizo ari umukuru w’igihugu ca Afrika y’Epfo yararengutse imbere y’ubutungane kur’uyu wa gatanu igenekerezo rya 8 Ruheshi 2018, bumwagiriza ibiturire.

Amakuru dukesha urubuga rw’iradiyo y’abongereza BBC, amenyesha ko bamwe mu bategetsi b’intwaro iriho ubu, bari bashitse kuri sentare, bikaba vyabaye nk’insiguro y’uko amatora yimirije atawuzi uko azogenda.

Ayo makuru ya BBC, amenyesha ko, abantu baharurwa mu majana aribo bari bakoraniye imbere ya sentare nkuru mu gisagara ca Durban, muri Afrika y’epfo.

Abenshi mur’abo bamushigikiye ni abaturuka mu karere avamwo, mu ntara ya KwaZulu-Natal, ahahamagarijwe n’urwo rubanza.

Mu majambo yababwiye mu rurimi rwa Isizulu, inyuma yo kwitaba ubutungane, yavuze ati "Nimba uru rubanza rubwirizwa kuba, nta bwoba mfise bwo kuruhanga".

Urwo rubanza rwungururijwe kw’igenekerezo rya 27 Mukakaro 2018.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha