Afrika y’Epfo : Umugambwe ANC wasavye Jacob Zuma ko atanga imihoho kur’uyu wa gatatu

Yanditswe na MUGISHA Van Naris
Kuya 14 février 2018 saa 02:56
4470
0 0

Umugambwe uri ku butegetsi mu gihugu ca Afrika y’Epfo, uhejeje gusaba umukuru w’igihugu Jacob ZUMA ko uno munsi wa gatatu igenekerezo rya 14 Ruhuhuma 2018, wohera yamaze gutanga imihoho.

Amakuru dukesha iradiyo y’abongereza BBC, amenyesha ko ata mwanya munini uheze umugambwe ANC usohoye iyo ngingo.

Kuva mu ntango z’ino ndwi, umugambwe ANC wagumye usaba umukuru w’igihugu Jacob ZUMA gutanga imihoho, ariko nawe yasavye ko bomwongera amezi atatu yo gutunganya ibintu.

Umukuru w’igihugu ca Afrika y’Epfo,Jacob Zuma, yagirizwa kurya ibiturire no gusesagura amatungo y’igihugu.

Mw’ijambo yashikirije inyuma y’umutaga wo kur’uyu wa gatatu igenekerezo rya 14 Ruhuhuma 2018, Jacob Zuma yavuze ko ingingo y’umugambwe ANC imusaba gutanta imihoho ari iy’akarenganyo.

Jacob Zuma yavuze ko ata kintu yakoze abona cotuma bamusaba kuva ku butegetsi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha