Afrika y’Epfo : Umukuru w’igihugu yanse gutanga imihoho

Yanditswe na MUGISHA Van Naris
Kuya 6 février 2018 saa 09:14
12075
0 0

Inyuma yo gutakaza uburongozi bw’umugambwe uri ku butegetsi ANC, umukuru w’igihugu ca Afrika y’Epfo, Jacob Zuma, yanse gutanga imihoho, naho yagirijwe ibiturire.

Umukuru w’igihugu ca Afrika y’Epfo abandanije guhimirizwa gutanga imihoho mu gihe abanywanyi b’umugambwe ANC, bari mu nama yihutirwa biga kuri kazoza kiwe.

Amakuru dukesha iradiyo y’abongereza BBC, amenyesha ko abakuru b’umugabwe bashaka ko umukuru w’igihugu ava ku butegetsi imbere yuko hashikirizwa ijambo mu nama nshingamateka ku kuntu igihugu cifashe, ivyo bikazoba kuwa kane igenekerezo rya 8 Ruhuhuma 2018.

Hejuru y’umubonano n’abakuru mu mugambwe ANC, umukuru w’igihugu Jacob Zuma yarabonanye kandi n’umwami w’Abazulu, Goodwill Zwelithini.

Ibiro vyiwe vyavuze ko uwo mubonano wari usanzwe, ariko vyavuzwe ko umwami ashobora kwongera ijwi mu yasaba umukuru w’igihugu Jacob Zuma gutanga imihoho.

Iradiyo y’abongereza BBC ,imenyesha ko naho ariko asabwa gutanga imihoho, ku burongozi bwa Jacob Zuma, ubuzi bwa Reta bwariyongereye, ikiza ca Sida gisubira hasi, imigambi yiwe mu vy’iterambere irashigikirwa n’abanyeporitike.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha