Afrika y’Epfo : Umuririmvyi Hugh Masekela yitavye Imana ku myaka 78

Amakuru dukesha iradiyo y’abongereza BBC amenyesha ko,umuryango w’uwo mucuraranzi watangaje ko Masekela yapfiriye mu gisagara ca Johannesburg, inyuma yo kugwara umwanya muremure indwara ya cancer.

Hugh Masekela yamenyekanye cane kubera ukuntu yavuza umuziki wa Afro-Jazz hamwe n’indirimbo ziwe zamenyekanye cane harimwo iyitwa Soweto Blues.

Iyo ndirimbo yasohotse mu mwaka wa 1977 yarafashije cane mu gikorwa co guhangana n’intwaro karyanishamiryango mu gihugu ca Afrika y’Epfo.

Hugh Masekela yafatwa na benshi nk’ "umuvyeyi w’umudiho wa Jazz mu gihugu ca Afrika y’epfo."