Afrique y’Epfo : Umugambwe ANC utegekanya inama yihuta yiga ikurwa rya Jacob Zuma

Yanditswe na BUKURU Pacifique
Kuya 5 février 2018 saa 01:46
10230
0 0

Umugambwe ANC uri ku butegetsi bw’igihugu ca Afrika y’Epfo utegekanya kugira inama yihuta kur’uyu wa mbere igenekerezo rya 5 Ruhuhuma 2018, iyo nama ikaba igamije ukwihweza ikurwa ry’umukuru w’igihugu Jacob Zuma, akaba yagirizwa kurya ibiturire no gusesagura itunga ry’igihugu.

Nk’uko tubikesha ikinyamakuru c’abanyamerika VOA, Jacob Zuma araremerewe cane,akaba ashobora gukurwa imbere y’uko ikiringo ciwe kirangira mu mwaka wa 2019.

Iyo nama itunganijwe mu gihe kuruyu w’Imana urangiye igenekerezo rya 4 Ruhuhuma, hari habaye ihuriro hagati y’uburongozi bwa ANC na Jacob Zuma, nk’uko bivugwa na Gwede Mantashe, umwe mu barongozi ba ANC, bakaba bavugana ku kibereye gukorwa ku neza aya ANC n’igihugu.

Jukius Malema, arongoye EFF,umugambwe utavuga rumwe na Reta, avuga ko Jacob Zuma yarahiye ararengwa gutanga imihoho, ngo ntakibi yakoze cotuma ava ku burongozi bw’igihugu.

Jacob Zuma akaba yaraherutse gukurwa ku burongozi bw’umugambwe ANC, akaba yasubirijwe na M. Ramaphosa, asanzwe azwi nk’uwurwanya cane igiturire n’ugusesagura amatungo y’igihugu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha