Centrafrika : Amasezerano y’amahoro hagati ya Reta n’imigwi igwana yemejwe

Yanditswe na Vianney BIKORIMANA
Kuya 20 juin 2017 saa 09:50
Yasomwe : 3060
0 0

Reta y’igihugu ca Centrafrika yasinye kuri uwu wa mbere i Roma mu Butariyano, amasezerano y’amahoro hagati yayo n’imigwi isanzwe yitwaje ibigwanisho muri co gihugu.

Ayo masezerano yasinywe hagati ya Reta n’imigwi yitwaje ibigwanisho ahagarikiwe n’umuryango w’abakatorika witwa Saint Egidio, ategekanya ko imirwi yose izoca ihagarika intambara vuba.

Impande zose ziyemeje kuzokwubahiriza ivyavuye muri ayo masezerano hamwe no kuzoshira mu ngiro ibikorwa vyo guhagarika intambara bizoba bihagarikiriwe n’umuryango mpuzamakungu.

Amakuru ava aho i Roma amenyesha ko imigwi yitwaje ibigwanisho yiyemeje muri ayo masezerano ko izokwemera ubutegetsi bw’igihugu buhari, bwavuye mu matora yatunganijwe hagati y’umwaka wa 2015 n’uwa 2016.

Mwomenyako ayo masezerano yasinywe niyaja mu ngiro azotuma abanyagihugu baheruka guhungira mu gihugu ca Repuburika iharanira intwaro rusangi ya Congo inyuma y’intambara zabereye mu karere ka Bakouma na Bangassou bashobora kuzoca basubira mu ngo zabo.


Kumenyekanisha

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha