Centrafrique: Abasirikare bava muri Congo Brazaville bagiye kuva muri Minusca

Yanditswe na MUGISHA Van Naris
Kuya 22 Ruheshi 2017 saa 12:42
Yasomwe : 8631
0 0

Ishirahamwe mpuzamakungu ONU rimenyesha ko igihugu ca Congo-Brazzaville kigiye gutahukana abasirikare baco 600 bahora mu gihugu ca Centrafrique mu gikorwa co kugarukana amahoro mu rwego rwa Minusca.

Nkuko biri mw’itangazo ry’ishirahamwe mpuzamakungu ONU, abasirikare bava mu gihugu ca Congo Brazaville bagirizwa kuba bakora icaha co gufata abagore ku nguvu.

Iryo tangazo nyene ry’Ishirahamwe Mpuzamakungu ONU rimenyesha ko igikorwa co gusubiriza abasirikare bava mu gihugu ca Congo Brazaville kirimwo ibibazo.

Si abasoda bava mu gihugu ca Congo Brazaville gusa bagirijwe ibikorwa nk’ivyo,kuko n’abasirikare b’Ubufaransa bari mu gihugu ca Centrafrique baragirijwe gukubagura abagore muri Centrafrique.

Gushika ubu, abasirikare 13000 nibo bari mu gihugu ca Centrafrique kugarukana amahoro, mu rwego rwa Minusca.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha