Gambia: Yahya Jammeh yemeye kuva ku butegetsi

Yahya Jammeh yahora arongoye igihugu ca Gambia yemeye kuva ku butegetsi inyuma y’amasaha arenga cumi n’abiri ariko arabonana n’abakuru b’ibihugu bo mu karere ka Afrika y’Uburengero.

Mw’ijambo yashikirije ku mboneshakure y’igihugu,Yahya Jammeh yavuze ko yafashe ingingo yo kuva ku butegetsi kuko akunda abanyagihugu ba Gambia kandi yanka ko amaraso yohava aseseka mu ngwano zokwaduka.

Bitegekanijwe ko Yahya Jammeh ashobora guhungira mu gihugu ca Mauritania kimwe mu bihugu vyaterereye nk’umuhuza,bigerageza kwumvisha Yahya Jammeh ko yova ku butegetsi inyuma yo kwemera ko yatsinzwe mu matora,hanyuma akabihakana.

Adama Barrow yatsinze amatora ,yaramaze gusaba abasirikare ko boguma bayoboka inzego kugira igihugu ntikirwe mu manga.