Accueil > Amakuru > Muri Afrika > Ishirahamwe ry’Ubumwe bwa Afrika ryipfuza gutorera umuti amatati ari mu (...)
Ishirahamwe ry’Ubumwe bwa Afrika ryipfuza gutorera umuti amatati ari mu bihugu bitandukanye
samedi 27 janvier 2018
Igihugu c’Uburundi kikaba kizoserukirwa muri iyo nama n’icegera ca mbere c’umukuru w’igihugu Gaston SINDIMWO.
Ivyitezwe kuzokwigwa muri iyo nama n’ibijanye no kurwanya igiturire,guteza imbere ivy’intwaro n’ubutunzi hamwe no kurabira hamwe uko bobandanya imigambi yo gukinga amatati,kuyatorera umuti hamwe no kwigira hamwe uko indyane zifatiye ku matora zogabanuka ku mugabane wa Afrika.
Nk’uko tubikesha ikinyamakuru AFRIKI PRESSE, ibishirwa imbere mu bizorangurwa mur’uyu mwaka wa 2018 n’Ishirahamwe ry’Ubumwe bwa Afrika n’ibijanye no gutorera umuti ikibazo kiri hagati y’igihugu ca Maroc n’igihugu ca République arabe sahraouie démocratique (RASD).
Harategekanijwe kandi kwiga uburyo bwo gutorera umuti w’indyane zishingiye ku matora mu bihugu vya Reta Iharanira Intwaro Rusangi ya Kongo,Cameroun,Mali,Zimbabwe hamwe no gutorera indyane za poritike mu bihugu vya Republique centre Afrique ,Somariya hamwe n’igihugu ca Sudani y’epfo.
Vianney BIKORIMANA
