Kenya : Abantu batandatu baguye mu gitero

Yanditswe na IGIHE
Kuya 6 octobre 2016 saa 10:22
Yasomwe : 9441
0 0

Abantu bagera kuri batandatu bishwe inyuma y’aho abantu bitwaje ibigwanisho mu gace kamwe k’igisagara ca Mandera, mu buraruko bushira uburengero bwa Kenya.
Amakuru atangwa na BBC avuga ko ico gitero cakozwe ku rupangu rumwe, mw’ijoro ryo kuri uwu wa gatatu.
Umukuru w’intara ya Mandera, Ali Roba, yanditse kuri Twitter ko abantu 6 bishwe uwundi umwe arakomereka. Yamenyesheje ko abantu 27 kuri 33 bari muri urwo rupangu batabawe n’abajejwe umutekano. Abakoze ico gitero ntibaramenyekana gushika (...)

Abantu bagera kuri batandatu bishwe inyuma y’aho abantu bitwaje ibigwanisho mu gace kamwe k’igisagara ca Mandera, mu buraruko bushira uburengero bwa Kenya.

Amakuru atangwa na BBC avuga ko ico gitero cakozwe ku rupangu rumwe, mw’ijoro ryo kuri uwu wa gatatu.

Umukuru w’intara ya Mandera, Ali Roba, yanditse kuri Twitter ko abantu 6 bishwe uwundi umwe arakomereka. Yamenyesheje ko abantu 27 kuri 33 bari muri urwo rupangu batabawe n’abajejwe umutekano. Abakoze ico gitero ntibaramenyekana gushika ubu.

Akarere ka Mandera karakunze guterwa n’abagwanyi ba al-Shabab bo mu gihugu ca Somalia.

Igihugu ca Kenya cararungitse abasirikare muri Somalia mu 2011, mu gutuza ivyo bitero vya buri igihe, no mu gufata mu mugongo Reta ishigikiwe n’amakungu.

Umugwi al-Shabab urakunze kugira ibitero mu gihugu ca Kenya, harimwo icahitanye abantu 67 mu maduka ya Westgate mu gisagara ca Nairobi mu mwaka wa 2013.

Mu kwezi kwa gatandatu kw’uwu mwaka, abagwanyi b’uwo muhari barateye imodoka y’igiporisi yo mu bwoko bwa Land Cruiser, ku birometero bike uvuye mu gisagara ca Mandela, bica abapolisi batanu.

Mu mwaka uheze, al-Shabab yaragize igitero kuri kaminuza ya Garissa, cahitanye abanyeshure 148.


Kumenyekanisha

1
Alexandre Nsengiyumva 6-10-2016 à 17:02

Yoooooooo Birababaje Cane Kweri

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha