Kenya : Abigisha batatu bishwe barashwe n’abarwanyi ba Al-Shabab

Yanditswe na BIKORIMANA Vianney
Kuya 16 février 2018 saa 04:03
14115
0 0

Reta y’igihugu ca Kenya yamenyesheje ko abigisha 3 bishwe uwundi umwe nawe arakomereka bikomeye inyuma yaho abarwanyi b’umurwi wa Al Shabab bakoze igitero mu buraruko bw’ico gihugu.

Amakuru dukesha iradiyo y’abongereza BBC avuga ko ico gitero cabereye kw’ishure riherereye mu ntara ya Wajir inyuma y’igihe c’isaha zitandatu zo mw’ijoro buca ari kur’uyu wa gatanu igenekerezo rya 16 Ruhuhuma 2018.

Ayo makuru avuga ko mu bapfuye harimwo umugabo hamwe n’umugore wiwe barashwe.

Kuva habaye igitero kuri Kaminuza ya Garisa abanyeshure bashika 150 bakicwa,Reta ya Somariya yashishikaye irondera abigisha boza gukorera mur’ivyo bice bihana urubibe n’igihugu ca Somariya.

Ico gitero kibaye mu gihe hari haheze hafi ikiringo c’indwi abarwanyi b’umurwi wa Al Shabab bagerageje gutera ikambi y’igiporisi iherereye mur’ako gace ko mw’iyo ntara ya Wajir.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha