Kenya : Igitero kigira kabiri cahitanye abantu 12

Yanditswe na IGIHE
Kuya 25 octobre 2016 saa 11:02
Yasomwe : 17874
0 0

Abantu bagera kuri 12 nibo bamaze kumenyekana ko bitavye Imana mu gitero cakoze n’abihevyi ku nzu y’ingenzi iri mu gisagara ca Mandera. Ico gitero kigize kabiri kibaye muri ico gisagara kiri mu buraruko bushira ubuseruko bw’igihugu ca Kenya, ku rubibe Kenya ihana na Somaliya.
Umwe mu ndongozi mu giporisi gikorera ahabereye ico gitero yemeza ko bashoboye kubona ibiziga vy’abantu 12, akamenyesha ko babifashijwemwo n’igiporisi kijejwe kurwanya iterabwoba, bariko barabandanya kurondera abandi boba (...)

Abantu bagera kuri 12 nibo bamaze kumenyekana ko bitavye Imana mu gitero cakoze n’abihevyi ku nzu y’ingenzi iri mu gisagara ca Mandera. Ico gitero kigize kabiri kibaye muri ico gisagara kiri mu buraruko bushira ubuseruko bw’igihugu ca Kenya, ku rubibe Kenya ihana na Somaliya.

Umwe mu ndongozi mu giporisi gikorera ahabereye ico gitero yemeza ko bashoboye kubona ibiziga vy’abantu 12, akamenyesha ko babifashijwemwo n’igiporisi kijejwe kurwanya iterabwoba, bariko barabandanya kurondera abandi boba baguye muri ico gitero, ariko bataramenyekana.

Ico gitero kibaye ica kabiri gikozwe muri ako karere, mu kiringo c’ukwezi kudakwiye, ico cabaye kuri uwu wa kabiri ariko akaba ata murwi n’umwe uraciyemerera. Icaheruka kuba kuwa 6 Gitugutu cakozwe n’abarwanyi ba Al Shababs bo muri Somaliya, nk’uko bavyiyemereye.

Kuva ico gihugu ca Kenya kirungitse mu mwaka w’2011 abasirikare baco muri Somaliya kurwanya abakora iterabwoba, ibitero vy’abihevyi vyagumye bikorwayo. Icaheruka kuba kigahitana benshi ni icakozwe muri Nyakanga 2013, aho abantu bagera kuri 67 aribo bahaguye, mu nyubakwa ya Westgate, i Nairobi.


Kumenyekanisha

1
Morodikayi Jon 28-10-2016 à 07:21

Turahojeje imiryango ya buze ababo murico gitero, Imana ibakire mubwami bwayo.

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha