Kenya : Uwahagarikiye ibirori vyo kurahira kwa Raila Odinga yankiwe kwinjira mu gihugu

Yanditswe na Vianney BIKORIMANA
Kuya 27 Ntwarante 2018 saa 10:10
10815
0 0

Umunyamategeko Miguna Miguna yahagarikiye uwutavuga rumwe na Reta ya Kenya Raila ODINGA mu birori vyo kwirahiza nk’umukuru w’igihugu, yankiwe kwinjira mu gihugu ca Kenya, inyuma y’aho yanse gusaba uruhusha rutangwa ku banyamahanga kugira binjire mu gihugu.

Miguna Miguna akoresha urupapuro rw’inzira rw’igihugu ca CANADA inyuma y’aho Reta y’igihugu ca Kenya imwatse ubwenegihugu bw’ico gihugu mu ntango z’ukwezi kwa Ruhuhuma uwu mwaka.

Ubutungane bwo mu gihugu ca Kenya bwatanze itegeko ko uwo munyamategeko asubizwa iteka hamwe n’ibimuranga vy’igihugu ca Kenya, ariko abegereye Miguna Miguna bamenyesha ko Reta atavyo irakora.

JPEG - 323 ko
Umunyamategeko Miguna Miguna yahagarikiye uwutavuga rumwe na Reta ya Kenya Raila ODINGA mu birori vyo kwirahiza nk’umukuru w’igihugu

Miguna Miguna yirukanywe mu gihugu ca Kenya yongera yakwa ubwenegihugu bw’ico gihugu kw’igenekerezo rya 6 Ruhuhuma 2018, inyuma yo kwagirizwa ko yahagarikiye uwutavuga rumwe na Reta Raila Odinga mu birori vyo kwirahiza nk’umukuru w’igihugu ca Kenya.


Kumenyekanisha

1
lg 29-03-2018 à 08:01

Abanya Afrika, dufite akazi katoroshye, ko yarahije, Raila kwari perezida afite kibazo ki yamubwiye akabimuha!! abantu ngo barize;

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha