Liberiya : Abanyagihugu bazindukiye mu gice ca kabiri c’amatora y’umukuru w’igihugu

Yanditswe na MUGISHA Van Naris
Kuya 26 décembre 2017 saa 09:31
4920
0 0

George Weah yahoze ari umukinyi w’umupira w’amaguru na Joseph Boakai yahora ari icegera c’umukuru w’igihugu ca Liberiya, nibo bariko barahiganirwa ikibanza c’umukuru w’igihugu, mu gice ca kabiri c’amatora yatanguye mu gatondo ko kur’uyu wa kabiri igenekerezo rya 26 Kigarama 2017.

Abantu barenga imiriyoni zibiri nibo bitavye amatora kugira batature abo bagabo babiri bahiganirwa ikibanza c’umukuru w’igihugu ca Liberiya, inyuma y’igice ca mbere c’amatora yabaye aho George Weah yaronse amajwi 38 kw’ijana, Joseph Boakai akaronka amajwi 29 kw’ijana.

Ku ruhande rw’abashigikiye George Weah, bavuga ko amaze kwitoza mu kibanza c’umukuru w’igihugu kabiri, mu mwaka wa 2005 na 2011, ariko kubw’abo yatsindwa mu matora kubera kohabaye ibitagenze neza mu matora.

Ku ruhande rwa Joseph Boakai ntiyari bwitoze mu kibanza c’umukuru w’igihugu, ariko inyuma y’amashuri mu gihugu ca Reta Zunze Ubumwe za Amerika, yarabaye umushikiranganji w’uburimyi n’ubworozi, araba kandi umuhinga mw’Ibanki y’Isi.

Uwotorwa hagati ya George Weah na Joseph Boakai yoba abaye umukuru w’igihugu agira kabiri atowe n’abitwa abasangwabutaka ba Liberiya ,inyuma ya Samuel Doe.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha