Liberiya : George Weah yemeye ko agiye kurwanya igiturire

Ku kibuga c’umupira w’amaguru ku murwa mukuru wa Liberia Monrovia, niho habereye ibirori vyo kurahiza umukuru w’igihugu mushasha, George Weah.

Mw’ijambo ryiwe, Geoge Weah yavuze ko yamaze igihe kinini mu bibuga vy’umupira w ‘amaguru, ariko ko ubu yumva ari mu bindi bihe, kandi ko mu gihugu ata watsinze, kandi atawatsinzwe ariho.

George Weah yamenyesheje abari bitavye ibirori ko bariko bahanahana ubutegetsi uwatowe ashikiriza amabanga uwundi yatowe, ariko kandi ari urunganwe rubishije urundi.

Geroge Weah yemeye kwubaka Liberiya nshasha, aho abantu bangana, bidegemvya, kandi bakagira n’agateka k’umunyagihugu.