Advertisement
Kumenyekanisha
  IGIHE.bi \BB Amakuru \BB Muri Afrika
Liberiya: Umukuru w’igihugu mushasha ararahirira kurongora igihugu
Yanditswe taliki ya 22-01-2018 - isaha 09:46'

Ikinyamakuru Daily Nation canditse ko George Weah arahirira ku kibuga Samuel Kanyon Doe iri ku murwa mukuru Monrovia igihe c’isaha zitandatu n’iminota 45 kw’isaha mpuzamakungu.

Vyitezwe ko ibirori vyo kurahira kwa Georges Weah biza guterwa iteka n’abakuru b’ibihugu vya Ghana, Mali, Nigeria, Togo n’abakinyi b’ibihangange mu mu mupira w’amaguru b’abagenzi biwe.

Kw’igenekerezo rya 28 Kigarama 2017, niho umurwi utegura amatora wemeza ko George Weah yatsinze amatora y’umukuru w’igihugu, arushije amajwi uwahora ari icegera c’umukuru w’igihugu Joseph Boakai.

Abanyagihugu muri Liberiya, biteze ko umukuru w’igihugu mushasha azobakura mu bukene bufatiye k’ukubura akazi, yubake amashuri meza n’ibindi.

Ellen Johnson Sirleaf yahora ari umukuru w’igihugu, yabwiye itorokanirizo ry’amakuru ry’abafaransa AFP ,ko George Weah afise akazi kadasanzwe harimwo kwongereza ubutunzi, no kuronsa akazi urwaruka.

Ivyiyumviro vyanyu

Kuba Liberia Yoronka Umukuru W’igihugu Georg Weah Biranezereye Kuko Yiyemeje Kuzofasha Abenegihu Biwe President Wa Liberia Uragahezagirwa N’imana Abo Utwara Bazoguhezagire Nk’uko Abene Gihugu B’uburundi Benshi Bahezagiye President Nyenicubahiro Petero Nkurunziza Imana Ibahezagirire Hamwe Mwese Kandi Mwibuke Imana Kuko Ariyo Yàbateye Iryo Teka Ryo Kurongôra Ivyo Bihugu Mubamwo.

23.01.2018 à 16:46
Niyongabire Lévis

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.