Libiya : Abimukira 100 bivugwa ko boba batwawe mw’ibahari ya Méditerranée

Yanditswe na Vianney BIKORIMANA
Kuya 29 June 2018 saa 07:19
10185
0 0

Abimukira bashika 100 nibo batwawe mw’ibahari ya Méditerranée mu nkengera z’igihugu ca Libiya kuruno wa gatanu igenekerezo rya 2 Ruheshi umwaka wa 2018.

Amakuru dukesha iradiyo BBC avuga ko umukozi akora igikorwa co kurerekera abajabukira ku nkengera yavuze ko abantu bashika 14 aribo bashoboye gutabagwa.

Ayo makuru abandanya avuga ko ubwato barimwo bwari mu mazi y’imikuba myinshi mu karere kari mu buseruko bw’umugwa mukuru Tripoli.

Ivyo vyashitse mu gihe ibihugu vyo k’umugabane wa Buraya bemeranije inyuma y’ibiganiro vyabahuje ko bagiye gutunganya ibigo vyo kwakira abarondera ubuhungiro mu bihugu vyabo.

Abimukira benshi bava k’umugabane wa Afirika no mu yindi mihingo basanzwe baca mu gihugu ca Libiya bari mu bwato bwuzuye mu nyuma akarengerwa bariko bagana Uburayi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha