Libiya : Sentare Mpuzamakungu y’i La Haye yasavye ko umuhungu wa Gaddafi ahagarikwa

Yanditswe na MUGISHA Van Naris
Kuya 15 juin 2017 saa 09:14
Yasomwe : 9378
0 0

Sentare Mpuzamakungu y’i La Haye mu Buholande yasavye ko Saif al-Islam Gaddafi umuhungu wa Col Muammar Gaddafi yahoze arongoye igihugu ca Libiya asubira guhagarikwa inyuma y’indwi imwe gusa arekuwe.

Saif al-Islam Gaddafi yagirizwa kuba yaragize uruhara mu bikorwa bisinzikaza agateka ka zina muntu,mu gihe haba umutekano muke mu gihugu ca Libiya mu mwaka wa 2011.

Naho yapfunguwe, ntawuzi aho Saif al-Islam Gaddafi ari muri iki gihe,kandi Sentare Mpuzamakungu isaba ko ahagarikwa,mu gihe n’ishirahamwe mpuzamakungu ONU ritigeze rishigikira irekurwa ryiwe.

Saif al-Islam yakuwe kuwa gatanu igenekerezo rya 9 Ruheshi 2017 kw’itegeko ritanga ikigongwe,inyuma y’imyaka 6 yari amaze apfunzwe,ariko hari ubwoba ko irekurwa ryiwe rishobora gutuma umutekano muke mu gihugu.

Umushikirizamanza mukuru wa Sentare Mpuzamakungu,Fatou Bensouda,yamenyesheje ko ibiro vyiwe bikiriko biragira amatohoza kw’irekurwa rya Saif al-Islam Gaddafi ,arika akaba yasavye Libiya n’ibindi bihugu kumuhagarika.


Kumenyekanisha

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha