Nijeriya: Umukuru w’urwego rw’igendereza yirukanywe mu mabanga

Yanditswe na IGIHE
Kuya 8 August 2018 saa 05:37
12105
0 0

Icegera c’umukuru w’igihugu wa Nijeriya Yemi Osinbajo yirukanye mu mabanga umukuru ajejwe urwego rw’igenedereza murico gihugu inyuma yaho urwego arongoye rufashe ingingo yo kubuza abagize inama nshingamateka kwinjira mu ngoro y’amakoraniro.

Amakuru amenyeshako abajejwe igenedereza mu gihugu bafashijwe n’igiporisi babujijwe abagize inama nshingamateka kwinjira mu gihe c’isaha ku mvo zitaramenyekana.

Umuvugizi w’icegera c’umukuru w’igihugu yamenyesheje ko umukuru w’urwego rujejwe iperereza mu gihugu, Lawal Musa Daura yaciye yirukanwa.

Mw’itangazo ryasohowe n’ibiro vy’icegera c’umukuru w’igihugu ryavuga riti:“Ico gikorwa giciye kubiri n’amategeko cakozwe ibiro vy’umukuru w’igihugu bitabizi , n’igikorwa co kwiyamiriza kandi ntigishobora kwemerwa.”

Bivugwako iryo tangazo ryagaragaje ko ico gikorwa ari nko guhirika inama nshingamateka biciye kubiri n’amategeko.

Bamwe mu bashigikiye icegera c’umukuru w’inama nshingamateka Bukola Saraki aheruka kuva mu mugambwe uri k’ubutegetsi akaja mu mugambwe utavuga rumwe na Reta bavuze ko ico gikorwa cari kigamije kumuhirika ku giti.

Umugambwe uri k’ubutegetsi aho muri Nijeriya washikirije ko abari inyuma y’ico gikorwa bari kwihisha mu gukwiragiza ibihuha.

Abenshi mu bitandukanije n’umugambwe uri k’ubutegetsi binjiye mu mugambwe utavugarumwe nawo witwa People’s Democratic Party watwaye Nijeriya kuva mumwaka w’i 1999 kugeza mu mwaka wa 2015.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha