RDC: Abantu batandatu bitavye Imana mu myiyerekano

Yanditswe na BIKORIMANA Vianney
Kuya 22 January 2018 saa 12:13
10275
0 0

Abantu 6 nibo basize ubuzima ku munsi w’Imana igenekerezo rya 21 Nzero 2018, mu myiyerekano yo kwiyamiriza umukuru w’igihugu ca Republika Iharanira Intwaro Rusangi ya Kongo bamusaba ko yotanga imihoho .

Nk’uko bimenyeshwa n’Ishirahamwe mpuzamakungu ONU,igiporisi cakoresheje ivyuka bikorora amosozi kugira gishwiragize abariko baragira imyiyerekano.

Muri iyo myiyerekano yabereye hirya no hino mu gihugu, abanyagihugu basaba ko umukuru w’igihugu yahejeje ikiringo mu mwaka wa 2016, arekura ubutegetsi.

Umuvugizi w’Ishirahamwe Mpuzamakungu igisata gikorera muri Kongo MONUSCO, yamenyesheje ko abantu bashika 50aribo bakomeretse mu gihe abandi batari bake nabo bahagaritswe.

Iyo myiyerekano ije ikurikira iyabaye mu mpera z’umwaka uheze wa 2017 aho abantu bashika 5 bahasize ubuzima.

Bivugwako iyo myiyerekano yari ishigikiwe n’abayoboke b’idini rya Islam aho umukuru waryo Sheikh Ali Mwinyi M’Kuur yasavye ubutegetsi kutagirira nabi abari mu myiyerekano.

Umukuru w’igihugu Joseph Kabila yagiye ku butegetsi mu mwaka 2001,asubiriye se wiwe Laurent Desiré Kabila


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha