RDC : Abongereza babiri boba banyururijwe mw’ishamba rya Virunga

Amakuru ava muri Republika Iharanira Intwaro Rusangi ya Kongo, avuga ko urukurikirane rw’imiduga yarimwo ingenzi yakozweko igitero, aho muri iryo shamba.

Urubuga rw’iradiyo y’abongereza BBC, amenyesha ko uko vyagenze biramenyekana neza, ariko bivugwa ko umwe mu bacunga iryo shamba yishwe.

Ubushikiranganji bw’Ubwongereza bujejwe imigenderanire n’amakungu buvuga ko bukiriko burakora amatohoza ku makuru avuga ko izo ngenzi zari vy’ukuri abanyagihugu b’Ubwongereza.

Mu kwezi guheze kwa Ndamukiza, batanu bacunga iryo shamba hamwe n’uwugendesha imodoka, bariciwe mu gitero.