Incamake

RDC : Jean Pierre BEMBA yakiriwe mu gihugu c’Ububirigi

Yanditswe na MUGISHA Van Naris
Kuya 16 juin 2018 saa 09:35
12810
0 0

Inyuma yo kwezwa na sentare mpanavyaha mpuzamakungu CPI y’i La Haye, Jean Pierre BEMBA yahoze ari icegera c’umukuru w’igihugu ca Republika Iharanira Intwaro Rusangi ya Kongo, yakiriwe n’igihugu c’Ububirigi.

Amakuru dukesha urubuga rw’iradiyo y’abafaransa RFI, amenyesha ko mw’itangazo sentare mpanavyaha mpuzamkungu yashize ahabona , imenyesha ko Jean Pierre BEMBA yashitse mu gihugu c’Ububirigi kur’uyu wa gatanu igenekerezo rya 15 Ruheshi 2018.

Fadi el-Abdallah umuvugizi wa sentare Mpanavyaha mpuzamakungu CPI, yabwiye RFI ko Jean Pierre BEMBA yarungitswe ku butaka bw’Ububirigi, ariko ko adashobora kuvuga ikibanza yashikiyemwo.

Naho yarekuwe agatera aja mu gihugu c’Ububirigi, amakuru ya RFI avuga ko Reta y’Ububirigi yavuze ko ata bantu benshi bakwiye guhurira hafi yaho Jean Pierre BEMBA aba.

Jean Pierre BEMBA yari yahagaritswe yagirizwa ivyaha vyo mu ntambara n’ihonyangwa ry’agateka ka zina muntu, muri Republika Iharanira Intwaro Rusangi ya Kongo no mu gihugu ca Centrafrique.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha