RDC : OMS iragabisha ibihugu 9 bihana urubibe na Kongo ko bishobora gushikirwa na Ebola

Yanditswe na MUGISHA Van Naris
Kuya 11 mai 2018 saa 03:25
14580
0 0

Ishirahamwe Mpuzamakungu ryitaho amagara y’abantu OMS ryagabishije ibihugu icenda bihana urubibe n’igihugu ca Republika Iharanira Intwaro Rusangi ya Kongo, ko bishobora gushikirwa n’ikiza ca Ebola.

Amakuru dukesha urubuga rw’iradiyo y’abongereza BBC, amenyesha ko OMS ivuga ko hakiri kare kugira ico kiza kibe cokwira hose mu karere, ariko bariteguye mu buryo bwose kandi ntibashobora kubifata minenerwe.

Abantu cumi n’umwe nibo bamaze kuboneka, bikekwa kuba baranduye mu ntara ya Equateur mu buraruko bushira uburengero bwa Republika Iharanira Intwaro Rusangi ya Kongo.

Amakuru ya BBC, amenyesha ko ishirahamwe OMS ryizera ko abajejwe intwaro muri Republika Iharanira Intwaro Rusangi ya Kongo bazokwemera ko hakoreshwa urucanco rukiriko rurageragezwa.

Mu mwaka wa 2014 abantu barenga ibihumbi cumi na kimwe barahitanywe n’ikiza ca Ebola mu burengero bwa Afrika.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha