Incamake

RDC:ONU yagirije abajejwe umutekano kwica abari mu myiyerekano

Yanditswe na MUGISHA Van Naris
Kuya 20 mars 2018 saa 08:37
4710
0 0

Urwego rw’ishirahamwe mpuzamakungu, ONU, rujejwe agateka ka zina muntu rwagirije igisirikare n’igipolisi vya Repubrika Iharanira Intwaro Rusangi ya Kongo, kwica abantu 47 bari mu myiyerekano.

Ico gisata ca ONU kijejwe agateka ka zina muntu,kivuga ko izo nzego zijejwe umutekano zishe abo bantu mu mwaka uheze wa 2017, zikagerageza kubihisha mu gutwara ibiziga vyabo.

Amakuru dukesha iradiyo y’abongereza BBC, amenyesha ko, hari urwandiko ruvuga ko abajejwe intwaro muri Kongo bakoze ibishoboka vyose kugira banumye abatavuga rumwe nabo, bikaba bikenewe ko haba vuba cane itohoza ataho ryegamiye.

Harabaye ibikorwa vyinshi vy’imyiyerekano mu gihugu ca Repubrika Iharanira Intwaro Rusangi ya Kongo kuva aho umukuru w’igihugu, Joseph Kabila, yankiye kuva ku butegetsi ikiringo ciwe giheze, haciye imyaka ibiri.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha