RDC : Amatora azotegurwa nk’ayo mu Burundi mu bijanye n’uburyo

Yanditswe na MUGISHA Van Naris
Kuya 28 mars 2018 saa 02:06
16320
0 0

Umushikiranganji ajejwe kumenyesha amaku akaba n’umuvugizi wa Reta ya Kongo, Lambert Mende, yavuze ko amafaranga yo gukoresha mu matora yo kw’igenekerezo rya 23 Kigarama 2018, azova mu nteguro y’amahera Reta ikoresha.

Amakuru dukesha urubuga rw’iradiyo y ‘abongereza BBC, amenyesha ko Lambert Mende yavuze ko badandaza neza ubutare bwa cobalt, kandi ko badandaza neza ubutare bw’umujumbu.

Ayo makuru nyene, amenyesha ko, umushikiranganji ajejwe kumenyesha amaku akaba n’umuvugizi wa Reta ya Kongo , yavuze ko ayo mafaranga ava mu butare azobafasha kwikura abashaka kugenzura amatora babicishije mu gutanga uburyo, kandi amatora asanzwe ari mu bwigenge bw’igihugu.

Ishirahamwe mpuzamakungu, ONU, rivuga ko hakenewe amafaranga angana umuriyaridi umwe n’imiriyoni amajana indwi y’amadorari kugira hahagarikwe amabi akorerwa abanyagihugu muri Kongo.

Umukuru w’igihugu Joseph Kabila ari ku butegetsi kuva mu mwaka wa 2001, ikiringo ciwe ca nyuma kikaba caheze icese mu kwa cumi na kabiri umwaka wa 2016.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha