RDC: Uwutavugarumwe na Reta Jean Pierre BEMBA yashitse mu gihugu ciwe

Yanditswe na IGIHE
Kuya 1 August 2018 saa 04:43
17880
0 0

Jean Pierre BEMBA atavuga rumwe na reta ya Repuburika iharanira intwaro rusangi ya Kongo yashitse ku murwa mukuru w’ico gihugu Kinshasa mu ntumbero yo gutanga ibisabwa azokwitoze mu kibanza c’umukuru w’igihugu.

Amakuru dukesha iradiyo BBC amenyeshako Jean Pierre Bemba atahutse mu gihugu ciwe kugira atange ibisabwa kugira azokwitoze mu kibanza c’umukuru w’igihugu mu matora ategekanijwe mu mpera z’uyu mwaka wa 2018 ariko umugambwe uri k’ubutegetsi murico gihugu uza waramaze kuvuga ko Bemba adakwije ibisabwa kugira yitoze kuba umukuru w’igihugu, kubera yagirijwe ivyaha vyo mu ntambara na sentare mpuzamakungu mpanavyaha.

Jean Pierre BEMBA aheruka kwezwa na sentare mpuzamakungu mpanavyaha inyuma yo kwagirizwa ivyaha vyo mu ntambara vyakozwe n’umurwi wiwe w’abarwanyi akiganwa mw’ishamba.

Jean Pierre BEMBA yahoze ari icegera c’umukuru w’igihugu yaramaze imyaka 12 hanze y’igihugu, muri yo 10 yarafungiwe ivyaha vyo guhonyanga agateka ka zina muntu yakoreye mu gihugu kibanyi ca Centrafrique

Amatora y’umukuru w’igihugu muri Repuburika iharanira intwaro rusangi ya Kongo ategekanijwe mu mpera z’ukwezi kwa Kigarama uyu mwaka wa 2018,imigambwe ikaba isigaje indwi imwe kugira itange amazina y’abazoyiserukira murayo matora,Jean Pierre Bemba akaba yaramaze kugenwa n’umugambwe wiwe kugira azowuserukire.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha