Somaliland : Umwigeme avuga ivyese yaciriwe gupfungwa imyaka itanu

Yanditswe na MUGISHA Van Naris
Kuya 16 avril 2018 saa 03:31
15300
0 0

Sentare y’intara ya Somaliland yiyonkoye ku gihugu ca Somaliya yaciriye imyaka itanu yo gupfungwa, umwigeme Nacima Qorane avuga ivyese imwagiriza guhamagarira intara ya Somaliland kwiyunga na Somaliya.

Amakuru dukesha iradiyo y’abongereza BBC, amenyesha ko amashirahamwe aharanira agateka ka zina muntu mu ntara ya Somaliland yavuze ko, uwo mwigeme yatswe uburenganzira bwiwe bwa kiremwa muntu.

Nacima Qorane yafashwe mu kwezi kwa mbere 2018, avuye mu gisagara ca Mogadiscio ku murwa mukuru w’igihugu ca Somaliya, aho yavuga ko avuye kuvuga ivyese bihamagarira ugusubiza hamwe kw’igihugu ca Somaliya.

Inyuma y’intambara z’urutavanako mu buraruko bushira uburengero bwa Somalia, vyatumye haba ukwicamwo ibice kuri ico gihugu, gushika aho Somaliland itangaza ko ari igihugu cigenga.

Umushikirizamanza mukuru wa republika avuga ko uwo mwigeme Nacima Qorane ,yagiriwe n’icaha co gucafuza igihugu ciwe, no kudakunda reta y’igihugu ciwe ca Somaliland.

Somaliland yiyonkoye kuri Somalia mu mwaka w’1991, n’aho ico gihugu kitemewe ku rwego mpuzamakungu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha