Incamake

Somaliya : Umuvugizi w’inama nshingamateka yatanze imihoho

Yanditswe na MUGISHA Van Naris
Kuya 13 avril 2018 saa 08:27
7215
0 0

Umuvugizi w’inama nshingamateka y’igihugu ca Somaliya, Mohamed Osman Jawari yatanze imihoho. Yavuze ko yafashe iyo ngingo kubera yanse ko inama nshingamateka yicamwo imice.

Mw’ijambo ryacishijwe ku mboneshakure y’igihugu, Mohamed Osman Jawari yavuze ko yipfuza gusaba ikigongwe nimba haraho yababaje abanyasomaliya.

Amakuru dukesha urubuga rwa BBC, amenyesha ko Mohamed Osman Jawari yatowe incuro zibiri kuba umuvugizi w’inama nshingamateka,igenekerezo rya 28 Myandagaro 2012 no kw’igenekerezo rya 11 Nzero 2017.

Ayo makuru ya BBC, amenyesha ko yatanze imihoho ataraheza ikiringo ciwe ca kabiri, bivuye ku ruhagarara rwadutse inyuma yaho bamwe mu bashingamateka bamukuriyeko icizere.

Icegera ciwe ca mbere Abdiweli Mudey, niwe agiye kuba aramusubirira mu kibanza mu kurindira ko hatorwa uwundi muvugizi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha