Sudani : Umumenyereza wa mbere w’umugore mu mupira w’amaguru w’abagabo

Yanditswe na Oscar NDAYISHIMIYE
Kuya 3 Ndamukiza 2018 saa 04:51
Yasomwe :
0 0

Salma al-Majidi, umukenyezi w’unyasudanikazi w’imyaka 27, yemejwe n’ishirahamwe mpuzamakungu ry’umupira w’amaguru kw’isi FIFA, nk’umukenyezi w’umwarabu yiyemeje kuba umumenyereza w’umupira w’amaguru ku bagabo.

Amakuru duhabwa n’urubuga rw’iradio y’abafaransa RFI yo kuri uwu wa kabiri amenyesha ko imbere yuko aba ubu umenyereza w’umurwi Al-Ahly wi Al-Gadaref mu buseruko bwa Khartoum, Salma al-Majidi, yabanje kumenyereza imirwi y’abakiri bato nka Al-Hilal wi Omdurman, hamwe na ville jumelle wo muri Khartoum.

Umumenyereza Al-Majidi yaramenyereje imirwi y’abagabo yo mu cicaro ca 2 nka Nile Halfa na Al-Nahda anayihesha intsinzi mu mahiganwa yo mu mu gihugu ca Sudani, amenyesha ko muri we, umupira w’amaguru ariwo umuha umunezero wa mbere ubaho kw’isi.

N’aho ata mategeko abuza urukino rw’umupira w’amaguru ku bigeme mu gihugu ca Sudani, Reta yaho ntitera intege abigeme bafise impano yo gukina urwo rukino.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha