Tchad : Umushikiranganji wa mbere na Reta batanze imihoho

Yanditswe na MUGISHA Van Naris
Kuya 4 mai 2018 saa 09:46
13260
0 0

Umushikiranganji wa mbere mu gihugu ca Thad Albert Pahimi Padacké na Reta baratanze imihoho kur’uno wa kane igenekerezo rya 3 Rusama 2018. Batanze imihoho kubera ibwirizwa nshingiro rishasha rishirwako umukono kur’uno wa gatanu, rikuraho ikibanza c’umushikiranganji wa mbere.

Amakuru dukesha urubuga rw’iradiyo y’abafaransa RFI, amenyesha ko iyo ngingo yasomwe mw’itangazo ry’ibiro vy’umukuru w’igihugu ryaciye ku mboneshakure y’igihugu, kur’uno wa kane igenekerezo rya 3 Rusama 2018.

RFI ivuga ko iryo bwirizwa nshingiro ryongereza ububasha bw’umukuru w’igihugu, kuko rirekurira umukuru w’igihugu gushiraho Reta, itarimwo umushikiranganji wa mbere hamwe n’icegera c’umukuru w’igihugu.

Iryo bwirizwa nshingiro, rivuga kandi ko umukuru w’igihugu azogena abashikiranganji bakarahira imbere yiwe, mbere umukuru w’igihugu akazoha amwe mu mabanga yiwe abashikiranganji.

Imigambwe itavuga rumwe na Reta, amashirahamwe adaharanira ivyicaro vya poritike hamwe n’ishengero katorika bari basavye ko iryo bwirizwa nshingiro ryemezwa biciye mu matora, ariko umukuru w’igihugu ahitamwo kuricisha mu naa nshingamateka.

Bitegekanijwe ko rishirwako umukono kur’uno wa gatanu, mu birori biza kuba bitewe iteka n’umukuru w’igihugu Idriss Déby Itno


Kumenyekanisha

1
Selemani 5-05-2018 à 23:36

Ntakundi Niyihangane,kuko.Ivyis Ntibihezwa

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha