Zambiya : Uwutavuga rumwe na Reta Haikande Hichelema yitavye ubutungane

Yanditswe na Vianney BIKORIMANA
Kuya 14 août 2017 saa 05:25
Yasomwe : 3195
0 0

Uwutavuga rumwe na Reta ya Zambiya, Haikande Hichelema yarengutse imbere y’ubutungane kuri uno wa mbere inyuma y’amezi ashika kuri 4 atawe muri yompi, aho yagirizwa kwanka gutanga inzira igihe umukuru w’igihugu Edgar Lungu yashaka kurengana.

Bitegekanywa ko Haikande Hichelema mu gihe yokwagirwa n’icaha, ko azohanishwa umunyororo w’imyaka 15, mu gihe naho yokwagirwa n’icaha gikomeye, bitegekanijwe ko azohabwa igihano co gupfa.

Bivugwa ko ahariko harabera urwo rubanza hari abaporisi benshi, urubanza rukaba ruzobandanya ku musi wa gatatu igenekerezo rya 16 Myandagaro 2017.

Kuva mu kwezi kwa Gitugutu 2016, Haikande Hichelema yagumye yamirira kure ivyavuye mu matora avuga ko yatsinzwe na Edgar Lungu, kandi ko yaranzwe n’ubusuma, mu mpera za 2016 yarapfunzwe yagirizwa guhamagarira abantu kugumuka no kugira imibonano itemewe n’amategeko.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha