Zimbabwe: Emmerson MNANGAGWA yatahukanye intsinzi mu matora y’umukuru w’igihugu

Yanditswe na Vianney BIKORIMANA
Kuya 3 August 2018 saa 12:41
19260
0 0

Umukuru w’igihugu wa Zimbabwe Emmerson MNANGAGWA niwe yatangajwe n’umurwi w’igihugu ujejwe gutunganya amatora murico gihugu ko ariwe yatahukanye intsinzi mu matora y’umukuru w’igihugu yabaye ku musi wa mbere w’iyi ndwi.

Umukuru w’umurwi utunganya amatora aho muri Zimbabwe, Priscilla Chigumba, yamenyesheje ko Emmerson Mnangagwa yatahukanye intsinzi aronse amajwi 51 kw’ijana mu gihe uwutavuga rumwe na reta yaserukiye umugmabwe MDC yaronse amajwi 44 kw’ijana.

Umurwi ujejwe gutegura amatora umaze kumenyesha ko Emmerson ariwe yatahukanye intsinzi yaciye yandika k’urubuga rwiwe rwa twitteur ko iyi ntsinzi ari intango nshasha.

Muvyo yanditse k’urubuga rwiwe rwa twitteur yavuze ati “ Iyi n’itango nshasha, twubake amahoro, ubumwe hamwe n’urukundo kandi twese twubake Zimbabwe nshasha.”

Uwutavuga rumwe na Reta Nelson Chamisa yari yaserukiye umugambwe MDC yamiriye kure ivyavuye mu matora avuga ko umurwi ujejwe gutunganya amatora watangaje amajwi udasuzumye neza amajwi kandi ari ibintu bibabaje cane.

Nelson CHAMISA yavuze ko umurwi ujejwe gutunganya amatora wanse guha uburenganzira abaserukira umugambwe wiwe gukwirikirana uko amajwi aharurwa ,utegerezwa gushikiriza amajwi y’ukuri kandi agenzuwe n’imigambwe.

Umukuru w’igihugu Emmerson Mnangagwa yabaye umukuru w’igihugu wa Zimbabwe mu mwaka uheze asubiriye Robert MUGABE.


Kumenyekanisha

1
PHILIPE.NIYONZABA 7-08-2018 à 15:52

Andika hano

2
kankindi 3-08-2018 à 15:26

ntanarimwe bigera bemera ivyavuye mumatora nibisanzwe ihotora ihigwa

3
kankindi 3-08-2018 à 15:26

ntanarimwe bigera bemera ivyavuye mumatora nibisanzwe ihotora ihigwa

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha