Zimbabwe : Hatangujwe amatohoza ku rupapuro rw’umutsindo rwahawe Grace MUGABE

Yanditswe na MUGISHA Van Naris
Kuya 10 janvier 2018 saa 08:31
11595
0 0

Urwego rujejwe kurwanya igiturire mu gihugu ca Zimbabwe, rwatanguye amatohoza ku mugore wa Robert MUGABE aheruka gutanga imihoho mu mabanga yo kurongora igihugu, kugira rumenye nimbi impamyabushobozi afise yayironse hadakurikijwe amategeko.

Ikinyamakuru ca Reta muri Zimbabwe The Herald kivuga ko Grace Mugabe yagize ubushakashatsi mu bigo vy’abana.

Ico kinyamakuru kivuga ko Grace MUGABE yahawe urupapuro rw’umutsindo rwa PhD, inyuma y’amezi make amaze kwiyandikisha muri kaminuza kandi, mu bisanzwe bisaba imyaka myyinshi y’ubushakashatsi.

Mu kwezi kw’icenda, Grace MUGABE yabwiye abanywanyi b’umugambwe Zanu-PF ko yahawe urupapuro rw’umutsindo, ariko abatavugarumwe nawe bagumanye amakenga.

Ibinyamakuru muri Zimbabwe bivuga ko ubushakashatsi Grace MUGABE avuga ko yakoze kugira ahabwe urwo rupapuro rw’umutsindo butagiye ahabona, nkuko bikorwa ku bandi.

Grace MUGABE yahawe urwo rupapuro rw’umutsindo rwa PhD na kaminuza University of Zimbabwe mu mwaka wa 2014.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha