Zimbabwe : Ubutungane bwarekuye umupasitori yagirizwa guhungabanya ibikorwa vya Reta

Yanditswe na MUGISHA Van Naris
Kuya 29 novembre 2017 saa 03:32
Yasomwe :
0 0

Sentare imwe yo mu gihugu ca Zimbabwe yagize umwere Pasitori Evan Mawarire yahora anebagura bikomeye Robert Mugabe yahoze arongoye igihugu ca Zimbabwe.

Amakuru dukesha iradiyo y’abongereza BBC amenyesha ko Pasitori Evan Mawarire yagirizwa kugerageza guhungabanya ibikorwa vya Reta ya Zimbabwe no kugumura abanyagihugu.

Pasitori Evan Mawarire yagirijwe ivyo bafatiye ku myiyerekano bivugwa ko yateguye mu mwaka uheze wa 2016.

Abatari bake bakurikiranira hafi ubuzima bw’igihugu ca Zimbabwe, bavuga ko bishobora kuba ari ikimenyetso c’ubwigenge bw’ubucamanza muri Zimbabwe inyuma y’ugutanga imihoho kwa Robert Mugabe .

Ku ruhande rwiwe, abicishije ku buhinga ngurukanabumenyi,Pasitori Evan Mawarire amenyesha ko hageze ko bafatana mu nda mu guteza imbere igihugu ca Zimbabwe.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha