Burkina Faso: Abagomvye gutembagaza ubutegetsi banse gushira ibirwanisho hasi

Igisirikare ca Burkina Faso kimenyesha ko umugwi w’abasirakare bacungera umutekano w’umukuru w’igihugu, uvugwako vyinshi kandi uheruka kugerageza gutembagaza ubutegetsi, wanse gushira ibigwanisho hasi.

Igisirikare kivuga ko, ibikogwa vyo kwaka ibigwanisho uwo mugwi w’abasirikare bacunga umukuru w’igihugu RSP ataco vyashitseko, kubera uwo mugwi warahiye ko uta bigwanisho ugiye gushira hasi.

Igisirikare kivuga kandi ko vyatewe n’inyifato itameze neza ya General Gilbert Diendere, umukuru wabo basirikare, ari nawe yari abarongoye igihe bagerageza gutembagaza ubutegetsi.

Ivyo bikogwa vyo kwaka uwo mugwi w’abasirikare ibigwanisho vyatanguye ku musi wa gatanu igenekerezo rya 25 Nyakanga 2015, inyuma yaho abategetsi batangaza icese ko batandukanije uwo mugwi w’abasirikare.

Ibiro vy’umukuru w’igihugu vyateguye inama yihuta ku munsi wa mbere,amashirahamwe ategamiye Reta nayo ahamagarira abanyagihugu kuja mu myiyerekano.