Gambia: Umukuru w’igihugu yatangaje ko kibaye Republika ya Islam

Umukuru w’igihugu ca Gambia, Yahya Jammeh, yamenyesheje ko igihugu arongoye kirwiriyemwo aba Islam kandi ko kibaye republika ya Islam.

Yaya Jammeh yavuze ko ari intambwe yo kuvavanura na kahise k’abakoloni b’abazungu batwaye ico gihugu.

Umukuru w’igihugu Jammeh yavugiye ku mboneshakure y’igihugu ko ariko amenyesha ibijanye n’akaranga k’idini n’imico vy’igihugu ca Gambia. Yavuze ko ko ata tegeko rigiyeho kandi ko n’abandi basenga mu yandi madini barekuriwe gusenga mu mwidegemvyo.

Mwomenya ko muri ico gihugu ca Gambia ,abarenga 90% ari aba islam.
Ishirahamwe ry’ubumwe bwa buraya, EU, ryarahagaritse ivy’agateganyo imfashanyo ryaha ico gihugu mu mwaka w’2014, kubera ukutubahiriza agateka ka zina muntu.