Advertisement
Kumenyekanisha
  IGIHE.bi \BB Amakuru \BB Muri Afrika
Tanzania : Abanyamahanga babayo bidakurikije amategeko bagiye kwirukanwa
Yanditswe taliki ya 8-01-2016 - isaha 12:59' na IGIHE

Igihugu ca Tanzania catanguye isekeza ryo kurondera no gusubiza iwabo abantu bose baba muri ico gihugu badakurikije amategeko.

Icegera c’umushikiranganji w’intwaro yo hagati mu gihugu wa Tanzania, Hamad Masauni, yabwiye abamenyeshamakuru ko ico gikorwa gitanguye inyuma y’aho bibonekeye ko hari abantu benshi b’abanyamahanga bakora muri ico gihugu hadakurikijwe amategeko.

Ico gikorwa kandi gitanguye mu gihe hari haheze iminsi mike ubushikiranganji bw’akazi, busavye ko hoba harahagaritswe impusha zo gukora akazi muri ico gihugu vy’agateganyo.

Hamad Masauni yavuze ko Reta idashobora kuguma inumye mu gihe abakiri bato mu gihugu babura akazi, mu gihe akazi bokoze kaba kariko gakorwa n’abanyamahanga.

Uwujejwe gukurikirana abinjira n’abasohoka mu ntara ya Dar Es Salaam, John Msumile, yavuze ko bimirije gufata abanyamahanga bashika ku 350.

Kubiraba uruhusha rwo gukora akazi mu mwanya muto, Masauni yavuze ko Reta izotegura ukundi ruzoza rutangwa ku bantu bashaka gukora akazi mu mwanya muto.
Ivyo bishitse inyuma y’aho Reta ironkeye ibirego vyinshi kuri ico kibazo.

Ivyiyumviro vyanyu

Ariko Abarundi Babareke Ntibabirukane Kuko Nabarimuburundi Baragowe.

10.01.2016 à 20:55
Alex

Ariko, Abarumdi Bario Babareke Ntibabirukane, Kuko Nabarimuburundi Bipfuza Kuvayo.

10.01.2016 à 20:42
Alex

NIKUKI ABARUNDI BESHI BAMBURIGWA MURI TANZANIA ? MUGABO .ABATANZANIA .BAJE BAGASUBIRA AMAHORO ?

9.01.2016 à 08:31
GABURIYER

NIKUKI ABARUNDI BESHI BAMBURIGWA MURI TANZANIA ? MUGABO .ABATANZANIA .BAJE BAGASUBIRA AMAHORO ?

9.01.2016 à 08:30
GABURIYER

Atari Burundi Umengo N Ikuburiro.Mu Bagendesha Imodoka Usanga Ara Banyamahanga Ukamenga Twe Ntitubishoboye Vyoba Vyiza Reta Y Uburundi Ikoze Nkuko. Ntabuhinga,tubuze Atari Ububegito,gusa !

8.01.2016 à 21:00
Monami

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.