Tanzaniya : Ihimbazwa ry’umunsi mukuru w’ukwikukira ryakuweho

Yanditswe na IGIHE
Kuya 24 Munyonyo 2015 saa 06:00
Yasomwe : 44523
0 0

Umukuru w’igihugu ca Tanzania, John Pombe Magufuli, abandanya gutangaza benshi mu ngingo z’impinduka afata, iyafashwe kuri uwu wa kabiri akaba ari iy’ugukuraho ibirori vyo guhimbaza umunsi wo kwikukira.
Mu myaka 50 abanyagihugu bo muri Tanzaniya bari bamaze bahimbaza uwo munsi, ntibazosubira guhurira hamwe kugira bumve amajambo, intambo kama, barorere ikarashishi ry’igisirikare hamwe n’utugenegene tw’indege.
Umukuru w’igihugu Magufuli yamenyesheje ko ashaka ko abanyagihugu ba Tanzaniya bazoza (...)

Umukuru w’igihugu ca Tanzania, John Pombe Magufuli, abandanya gutangaza benshi mu ngingo z’impinduka afata, iyafashwe kuri uwu wa kabiri akaba ari iy’ugukuraho ibirori vyo guhimbaza umunsi wo kwikukira.

Mu myaka 50 abanyagihugu bo muri Tanzaniya bari bamaze bahimbaza uwo munsi, ntibazosubira guhurira hamwe kugira bumve amajambo, intambo kama, barorere ikarashishi ry’igisirikare hamwe n’utugenegene tw’indege.

Umukuru w’igihugu Magufuli yamenyesheje ko ashaka ko abanyagihugu ba Tanzaniya bazoza barahurira hamwe bagasukura amasoko, amashure hamwe n’ibibanza bihurirwamwo na benshi.

JPEG - 41.9 ko
John Pombe Magufuli, umukuru w’igihugu ca Tanzaniya

Uwujejwe kumenyesha amakuru mu biro vy’umukuru w’igihugu, Gerson Msigwa, yamenyesheje ko amahera yokoreshejwe ku munsi w’ukwibuka ukwikukira kwa Tanzaniya (Uhuru Day), azoza arakoreshwa mu bikorwa vy’inyungu rusangi hamwe no kurwanya ingwara ya korera, ubukene hamwe n’ukwubaka utuzu twa surwumwe mu bibanza bihuriramwo na benshi bidafise utwo tuzu tw’ubwiherero.
Umukuru w’igihugu Magufuli ategekanya kandi ko amafaranga yahora akoreshwa muri uwo munsi mukuru yoza arafasha mu kugura ibikoresha vyo kwa muganga.

Iyo ngingo yafashwe n’umukuru w’igihugu wa Tanzaniya ni imwe mu ziheruka gufatwa zigamije kugabanya amahera Reta ya Tanzaniya ikoresha, zikaba zatangajwe n’uwo mukuru w’igihugu igihe yashikira ubutegetsi haciye indwi zitatu.

Mu ndwi iheze, yategetse ko amahera imiriyoni 100 z’amafaranga y’abanyamerika yokoreshejwe mu gutanguza ibikorwa vy’inama nshingamateka, yokoreshwa mu kugura ibitanda vy’ibitaro Muhimbili, inyuma yo kuhagira urugendo rutateguwe agasanga abarwayi baryamye hasi badafise uwubitaho.


Kumenyekanisha

1
manirakiza serges 30-11-2015 à 08:53

ingingo yafashe irakwiye niyayira mungiro.ariko agarukire abarundi ntibasubire kunyanyashwa%

2
Tubane Claude 26-11-2015 à 17:49

Nukuri Uyumugabo Nagatangazo Gose Yaje Yarakenewe

3
Gakozi Emmanuel 25-11-2015 à 13:47

Umukuru wigihugu ca Tanzania arazi gushimira abamutoye. Bibere icigwa ku Bakuru Bi bihugu benshi iyo batowe na Banyagihugu ba tibuka kubashimira. ubwo nu budyo bwiza bwo gushimira abagutoye na batagutoye. kuko bose na bawe. Gakozi i Pretoria

4
MANIRAKIZA BATAZIRA MUKIZWA 25-11-2015 à 09:04

MUVYUKURI AFRICA YARIKENEYE ABATEGETSI BAMEZE BARTYO ARIKO TUBARONKA GAKE KABAHO N ABARUNDI BATWARA UBU NIBABONEREHO BAGIRE ICO BOHINDURA NABO MUR OPOSITION BAZE BAGIRE AHO BAHERA NIBABASUBIRIRA

5
Mambo 24-11-2015 à 20:32

Izina niryo muntu nicugazo nyene ntagomba kwibomorerako nka pita wogirango nuwamutijije aguma yica yiba igihugu ciwe

6
Simbizi 24-11-2015 à 18:27

Imana nimujimbere aze yamane umutima wikigongwe kuko abaperezida benshi ariko cane cane uwiwacu ikigongwe caraheze asigaye umenga nigikoko cigendera abona manda gusa narabe ingene abandi bakora

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha