Urugendo rwa Papa Fransisko arusozerera muri Centrafrique

Papa Francis umwungere wa Ekereziya Gaturika asozerera muri Centrafrique urugendo yari amazemwo iminsi muri Afrika. Biteganyijwe ko ku mugoroba wo kuri uwu wa mbere ariho asubira i Vatikano.

Igihugu ca Centrafrique kimaze hafi imyaka itatu mu ntureka hagati y’abakirisu hamwe n’abayisilamu. Amakuru atangwa na BBC avuga ko umukuru w’igihugu ca Centrafrique, Catherine Samba-Panza, yasavye ikigongwe Papa Francis kubera izo ndyane zishingiye ku madini ziri muri ico gihugu.

Imbere y’ugusozera urugendo rwiwe, umwungere wa Ekereziya Gaturika Papa Francis, ahava agendera umusigiti uri mu gisagara ca Bangui.