Advertisement
Kumenyekanisha
  IGIHE.bi \BB Amakuru \BB Muri Afrika
Zimbabwe : Morgan Tsvangirai yemeje ko arwaye Kansere
Yanditswe taliki ya 27-06-2016 - isaha 21:58' na IGIHE

Morgan Tsvangirai, umunyaporitike atavuga rumwe na Reta ya Zimbabwe yatangaje ko arwaye ingwara ya kanseri mu giti c’umugongo.

Tsvangirai w’imyaka 64 yatangaje iyo nkuru kuri uwu wa mbere, akaba yavuze ko yayisuzumwe mu kwezi kwa Rusama 2016 mu gihugu ca Afrika y’Epfo.

Morgan Tsvangirai yavuze ko yahisemwo gushira ahabona iyo ngwara kuko yemera ko amagara y’abategetsi barongoye abanyagihugu adashobora kuba ikinyegezwa.

VOA ivuga ko ivyo vyashikirijwe na Morgan Tsvangirai bishobora kuba ari ukwifatira mu gahanga umukuru w’igihugu Robert Mugabe afise imyaka 92, akaba yama yagiye mu gihugu ca Singapore kwivuza ibintu bitigera bitangazwa.

JPEG - 49.8 ko
Morgan Tsvangirai yavuze ko yahisemwo gushira ahabona iyo ngwara kuko yemera ko amagara y’abategetsi barongoye abanyagihugu adashobora kuba ikinyegezwa

Tsvangirai arongoye umuhari Movement for Democratic Change, aramaze guhiganwa n’umukuru w’igihugu Mugabe mu matora y’umukuru w’igihugu incuro zitatu.
Yaratsinze incuro ya mbere y’amatora mu mwaka w’2008, yamara Robert Mugabe yaciye atsinda incuro igira kabiri y’ayo matora, abantu benshi bakavuga ko yabayemwo ubwicanyi hamwe n’iterabwoba.

Ivyiyumviro vyanyu

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.