IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > ishirahamwe > Ishirahamwe OMS ryemeje urucanco rw’indwara ya Typhoïde

Ishirahamwe OMS ryemeje urucanco rw’indwara ya Typhoïde

jeudi 4 janvier 2018

Mw’itangazo ishirahamwe OMS ryashize ahabona kur’uyu wa gatatu igenekerezo rya 3 Nzero 2018, rivuga ko urwo rucanco rwo mu bwoko bwa TCV (Typhoid Conjugate vaccine) rwemejwe mu mpera z’ukwezi kwa Kigarama umwaka uheze wa 2017.

Urwo rucanco rufise inguvu ugereranije n’izisanzwe, ntirusaba umuti mwinshi kandi rushobora guhabwa abana mu nteguro zisanzwe yo kubakingira. Rukaba ari narwo rucanco rwonyene rwemejwe rushobora guhabwa abana bari munsi y’imyaka ibiri.

Kubaurwo rucanco rwemejwe n’ishirahamwe mpuzamakungu OMS, bisigura ko rukwije ibisabwa kuba rutagira akanenge,kuba rudahungabanya ubuzima kandi rukaba rutanga umwimbu mwiza.

Bitegekanijwe ko urwo rucanco rushobora gutangura gukoreshwa n’amashirahamwe mpuzamakungu nka UNICEF n’ihuriro mpuzamakungu rifise intumbero yo gukingira GAVI.

Typhoid ni indwara ihitana ubuzima bwa benshi, ikandukira biciye mu nfungurwa canke mu mazi acafuye. Ibimenyetso vyayo birimwo ubushuhe,uburuhe, kumeneka umutwe, kuribwa mu nda no gucibwamwo.

Indwara ya typhoide yibonekeza cane mu bihugu bikenye n’ibiri mu nzira y’amajambere, bigasigura ko kw’isi abantu bari hagati y’imiriyoni 11 na 20 aribo bayirwaye, abari hagati y’ibihumbi 128na 161 ikabahitana ku mwaka.


MUGISHA Van Naris

Messages

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.