Accueil > Amakuru > Ubuseruko > Abanyakenya bibutse imyaka ibiri iheze Westgate itewe n’abihevyi
Abanyakenya bibutse imyaka ibiri iheze Westgate itewe n’abihevyi
lundi 21 Nyakanga 2015
Kuri uno wa mbere igenekerezo rya 21 Nyakanga 2015,abanyaKenya bibutse imyaka ibiri iheze habaye igitero c’abihevyi mu nyubakwa y’ubudandarizo Westgate,iri mu gisagara ca Nairobi ku murwa mukuru w’igihugu ca Kenya.
Amasengesho hamwe no gucana urumuri nivyo vyaranze,uyu munsi wo kwibuka ico gitero cahitanye abantu mirongo itanu n’indwi bapfuye bishwe n’abarwanyi ba Al-Shabab.
Amasengesho yabereye mw’isoko rya kijambere ryitwa Nakumatt, aho benshi mu bishwe baguye.Ivyo birori vyabereye mu gashamba ka Karura kari hafi y’inzi Westgate.
Ibuye ry’icibutso, amazina y’abishwe bose, hamwe n’ibiti bishasha vyatewe, vyeretswe abantu mu mwaka uheze.
Ikibanza c’ubudandaji ca Westgate casubiye kwugurura mu kwezi kw’indwi, kibanje gusubirwamwo.
Van Naris Mugisha
