Faustin Twagiramungu bamwimye uruhusha rwo kwinjira mu Rwanda

Uwahoze ari umushikiranganji wa mbere mu gihugu c’Urwanda, Faustin Twagiramungu ntiyashoboye gutahuka mu gihugu c’amavukiro yiwe uno musi igenekerezo rya 21 Ruheshi nk’uko yari yabimenyesheje.

Amakuru dufise amenyesha ko Faustin Twagiramungu, umukuru w’umugambwe RDI-Rwanda nziza yoba yarabuze uruhusha rwo kwinjira mu gihugu c’Urwanda (visa). Kubera iyo mpamvu, uwo yari yatangaje icese ko ashaka gutaha gukorera politike mu gihugu c’Urwanda ntiyabaye agitahuka nk’uko vyari vyitezwe.

Faustin Twagiramungu asanzwe aba mu gihugu c’Ububirigi kuva mu mwaka w’2003, mu kiganiro yahaye abamenyeshamakuru yamenyesheje ko gushika n’ubu atararonka uruhusha rwo kwinjira mu Rwanda.