France : Claude Muhayimana uwundi munyarwanda yagirizwa ihonyabwoko

Claude Muhayimana, umunyarwanda yagirizwa kuba yaragize ihonyabwoko ryagiriwe abatutsi muri ico gihugu, ariko agirwako amatohoza n’ubutungane bwo mu gihugu c’Ubufaransa.

Muhayimana w’imyaka 53 y’amavuko, yagirizwa na Reta ya Kigali kuba ari mu bishe abatutsi mu mwaka w’1994, mw’ihonyabwoko ryabaye, rigahitana hafi umuriyoni w’inzirakarengane mu mezi atatu gusa. Uyo munyarwanda asanzwe afise ubwenegihugu bw’Ubufaransa, akaba yakuwe ku muhana iwe i Rouen, aja kumvirizwa kuri ayo mahano yagirizwa kuba yaragiriye abanyarwanda, akaba yoba yayakoreye mu gisagara ca Kibuye kiri mu Burengero bw’igihugu c’Urwanda.

Mwomenya ko, igihugu c’Ubufaransa canse gutanga uyo munyarwanda kugira aje kubarizwa mu gihugu iwe ivyo yagirizwa kuba yarahakoreye. Muhayimana Claude akaba asanzwe aba mu gihugu c’Ubufaransa, aho yahungiye haraheze imyaka 12. Igihugu c’Ubufaransa rero kikaba caheruka mu kwezi kwa Ntwarante gucira urubanza ubwambere umunyarwanda Pascal Simbikangwa, aho yasabiwe gupfungwa imyaka 25, ku ruhara yagize mw’ihonyabwoko ryagiriwe abatutsi muri ico gihugu c’Urwanda.