Rihanna yifatiye mu gahanga aba Paparazzi

Abonye i foto yiwe yambaye impuzu ihanagura amazi mu cumba c’ubwogero ariko yirabira hanze acishije mw’idirisha ry’i Hoteli yarimwo, Rihanna arinamura ati: "Ndanka aba paparazi gusumba uko nanka aba Nazis"

Rihanna ntarya umunwa, ari naho kenshi avuga uko yishakiye. Akarorero ka hafi naho yiyemerera wenyene ko yanka aba Paparazi kuruta ukwo yanka aba Nazis. Uwo muririvyi rurangiranwa kenshi na kenshi arashikuza mu kuvuga aho womenga harimwo n’ubwishime. Ubu bwa vuba, aho yasa nuwashavujwe n’aba Paparazi aho iminsi yose bama bamukwirikirana kuvyo akora vyose, Rihanna avuga atarya umunwa ati:"Ndanka abo bantu gusumba aba Nazis"(Aba Papparazi).

Iyo mvugo yakoze kuba kunzi biwe, yatowe mu nzandiko za Kanye West, n’abo birabananira kwihangana baheza bamwibutsa amabi aba Nazis bakoze mu ntambara y’isi yose ya kabiri (2), abandi bamwibutsa ko ubuzima bwiwe nk’umu Star ari nk’isanamu kandi ko aba Paparazi bari mubamufasha ubuzima bwiwe nk’umuririvyi.