Rwanda: Reta irahakana ko ata bigo bitazwi n’amategeko bipfungirwamwo abantu

Reta y’Urwanda irahakana ko hari ibigo bitazwi n’amategeko bipfungirwamwo abantu,ku murwa mukuru w’igihugu i Kigali.

Mu rwandiko Reta y’Urwanda yasohoye inyuma y’icegeranyo c’ishirahamwe ryitaho agateka ka zina muntu Human Right Watch,kivuga ko hari ibigo bitazwi n’amategeko,ivuga ko Human Right Watch yihenze.

Ikigo kivugwa na Human Right Watch ni ikigo ca Gikondo Transit Center.Kubwa Reta y’Urwanda ico kigo gifise akamaro kanini ko gusubiza ku murongo ababa bakoze ibidahuye n’amategeko.

Ico cegeranyo ca Human Right Watch kivuga ko Reta y’Urwanda ipfunga ahanini abadandariza mw’ibarabara, abasega hamwe n’abakobwa badandaza imibiri aribo bapfungirwa muri ico kigo ca Gikondo,ahahoze ububiko bw’ihinguriro.