Uganda : Abaharanira agateka k’abahuza ibitsina babisangiye bitwaye muri sentare

Abaharanira agateka k’abahuza ibitsina babisangiye muri Uganda bituye sentare
abashingwamanza hamwe n’abanyeporitike, bituye sentare muri Uganda biyamiriza itegeko rihana abo bahuza ibitsina babisangiye.

Umukuru w'igihugu c'Ubuganda ariko arashira umukono kw'itegeko rihana abahuza ibitsina babisangiye

Bavuga ko iryo tegeko riciye kubiri n’ibwirizwa nshingiro rya Uganda, risanzwe ritemera kuvangura no guhonyora ku burenganzira bwo gushikiriza iciyumviro. Iryo tegeko ryashizweko igikumu n’umukuru w’igihugu Museveni mu kwezi guheze, ryiyamirijwe n’amakungu. Umukuru w’igihugu ca Reta zunzubumwe z’Amerika Barack Obama yavuze ko iryo tegeko risubije inyuma Uganda mu ntambwe yari imaze gutera. Ibihugu vyinshi bisanzwe bifasha Uganda navyo bica bivuga ko bigiye guhagarika imfashanyo.

Iryo tegeko ryo guhana bivuye inyuma abo bahuza ibitsina babisangiye muri ico gihugu ca Uganda, rikaba ryatumye haba icuka kitameze neza hagati y’Ubuganda n’ibihugu bisanzwe bigifasha, ndetse n’amwe mu mashengero akaba yarakozweko, mu gihe ayamuka mu bihugu vya za Buraya, agabisha ko azoca avangura n’amashengero yamukako, hamwe ibihugu vyabo vyoguma bihatira igihugu c’Ubuganda gushigikira iryo tegeko. Tukabamenyesha ko igihugu c’Ubuganda gishira imbere cane imico y’abakera, ku buryo kwumva uguhuza ibitsina babisangiye, ari nk’ivumwe ku gihugu.