Abanyagihugu babiri bo mu gihugu c’Urwanda bishwe, uwundi umwe arakomereka mu karere ka Rusizi, nk’uko igisirikare c’Urwanda kibimenyesha. Ico gisirikare ciyamirije ubwo bwicanyi, kivuga ko iperereza ryatanguye kugira abagirizwa ubwo bugizi bwa nabi bamenyekane.
Ubwo bwicanyi bwabaye mu gatondo ko kuri uwu wa gatandatu, nk’igihe c’isaha indwi z’ijoro, aho abantu bari bitwaje inkoho barashe abantu babiri, bakomeretsamwo uwundi umwe.
Itangazo ryasohowe n’igisirikare c’Urwanda rivuga ko umwe muri abo bishwe ari umwana w’imyaka 12.
- Lt Col Rene Ngendahimana, umuvugizi w’igisirikare c’Urwanda
Iryo tangazo ry’igihugu c’Urwanda ribandanya rivuga ko abakoze ubwo bugizi bwa nabi baciye bahungira mu Burundi, kuko ubo bwicanyi bwabereye hafi y’urubibe Uburundi buhana n’Urwanda.
Igisirikare c’Urwanda kimenyesha ko amatohoza yatanguye kugira abakoze ubwo bugizi bwa nabi bumenyekane.
Igiporisi co mu karere ka Rusizi cazindukiye aho habereye ubwo bwicanyi, gikorana inama n’abanyagihugu b’aho kugira babahumurize.
BABISH HAGEZ 01H ? BAJAHH