Musigati : Abitwaje inkoho bateye ku rugo rw’umukuru w’umutumba Mpishi

Yanditswe na MUGISHA Van Naris na Egide NDUWIMANA
Kuya 5 Kigarama 2017 saa 12:10
Yasomwe : 11610
0 0

Abantu bitwaje inkoho bateye mw’ijoro ryo kuri uwu wa mbere ku rugo rw’umukuru w’umutumba Mpishi, uri muri zone Musigati, mu ntara ya Bubanza. Umuntu umwe niwe yakomerekeye muri ico gitero.

Urugo rwatewe n’abitwaje inkoho bataramenyekana ni urwa MUSAFIRI Paul asanzwe ariwe mukuru w’umutumba Mpishi intara ya Bubanza, aho akaba yari nk’igihe c’isaha zitatu z’ijoro ryo kuri uwu wa mbere.

Nk’uko vyemezwa n’igiporisi, abateye urwo rugo barashe amasasu menshi, ariko ayo masasu akaba atawe yahitanye.

Umuntu umwe niwe yakomerekeye muri ico gitero, uwo nawe akaba ari uwitwa MIBURO Wilson asanzwe ari umukozi muri urwo rugo, yakomeretse mu kiganza ariko agwana yugara umuryango kugira abo bitwaje inkoho ntibinjire mu nzu y’umukuru w’umutumba.

Uwakomeretse ariko avurirwa kw’ivuriro rito rya zone Musigati.


Kumenyekanisha

1
Kararuza 6-12-2017 à 15:23

Imbnoness ziramesa umuhisi n’umugenzi

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha